Gorati Venkanna: ఎమ్మెల్సీగా గోరటి వెంకన్న... ప్రభుత్వ నామినేటెడ్ ఎమ్మెల్సీ స్థానాలపై తెలంగాణ కేబినెట్ నిర్ణయం

సీఎం కేసీఆర్ అధ్యక్షతన తెలంగాణ కేబినెట్ ఇవాళ హైదరాబాద్ ప్రగతిభవన్ లో సమావేశమైంది. ఈ సమావేశంలో మంత్రివర్గం కీలక నిర్ణయాలు తీసుకుంది. ఖాళీగా ఉన్న మూడు ప్రభుత్వ నామినేటెడ్ ఎమ్మెల్సీ స్థానాలను భర్తీ చేయాలని తీర్మానించింది. ప్రముఖ జన వాగ్గేయకారుడు గోరటి వెంకన్నకు ఎమ్మెల్సీ అవకాశం ఇవ్వాలని నిర్ణయించింది. గోరటితోపాటు మాజీమంతి బస్వరాజు సారయ్య, ఆర్యవైశ్య సంఘం నేత బొగ్గారపు దయానంద్ ల పేర్లను మూడు ఎమ్మెల్సీ స్థానాలకు ఖరారు చేసింది. ఆపై మూడు పేర్లను గవర్నర్ ఆమోదానికి పంపింది. గవర్నర్ ఆమోదించాక నోటిఫికేషన్ వెలువడనుంది.