కొత్త బాధ్యతలను చేపట్టిన మంచు విష్ణు భార్య

23-10-2020 Fri 19:02
  • మోహన్ బాబు కొత్త చిత్రం ప్రారంభం
  • నిర్మాతగా వ్యవహరిస్తున్న మంచు విష్ణు
  • మోహన్ బాబుకు స్టైలిస్ట్ గా వ్యవహరిస్తున్న వెరోనిక
Veronica to work as stylist to Mohan Babu

సినీ నటుడు మంచు విష్ణు భార్య వెరోనిక కొత్త బాధ్యతలను చేపట్టారు. తన మామ మోహన్ బాబుకు స్టైలిస్ట్ గా వ్యవహరిస్తున్నారు. మోహన్ బాబు నటిస్తున్న 'సన్ ఆఫ్ ఇండియా' చిత్రానికిగాను ఈ బాధ్యతలను నిర్వహిస్తున్నారు. ఈ సినిమాను శ్రీ లక్ష్మీ ప్రసన్న పిక్చర్స్, 24 ఫ్రేమ్స్ ఫ్యాక్టరీ సమర్పణలో మంచు విష్ణు నిర్మిస్తున్నారు.

ఈ సినిమా షూటింగ్ హైదరాబాదులోని మోహన్ బాబు నివాసంలో ఈరోజు ప్రారంభమైంది. డైమండ్ రత్నబాబు ఈ చిత్రానికి దర్శకత్వం వహిస్తున్నారు. మరోవైపు ఈ సినిమాకు సంబంధించి మోహన్ బాబు ముద్దుల తనయ మంచు లక్ష్మి స్పందిస్తూ, ఈ సినిమా కోసం తాను ఎంతగానో వేచి చూస్తున్నానని తెలిపింది. తన తండ్రికి 'ఆల్ ది బెస్ట్' చెప్పింది.