Trisha: 21 ఏళ్ల క్రితం ఇదే రోజున నా జీవితం మారిపోయింది: త్రిష

సినీ పరిశ్రమలోకి అడుగుపెట్టి రెండు దశాబ్దాలు కావస్తున్నా త్రిష క్రేజ్ ఏ మాత్రం తగ్గలేదు. తెలుగు, తమిళ భాషల్లో ఇప్పటికీ టాప్ హీరోయిన్ గానే ఉంది. ఇరు భాషలకు చెందిన అగ్ర హీరోలందరి సరసన నటించింది. సినిమాల్లోకి రాకముందు సరిగ్గా 21 ఏళ్ల క్రితం ఇదే రోజున త్రిష 'మిస్ చెన్నై' టైటిల్ గెలుచుకుంది. ఈ సందర్భంగా మిస్ చెన్నై కిరీటాన్ని ధరించిన ఫొటోను సోషల్ మీడియా ద్వారా షేర్ చేసింది 30-09-1999న తన జీవితం మారిపోయిందని చెప్పింది. 'మిస్ చెన్నై 1999' అని కామెంట్ చేసింది. మరోవైపు త్రిషకు ఫ్యాన్స్ అభినందనలు తెలుపుతున్నారు.