SP Balasubrahmanyam: తెలుగు బిగ్ బాస్ వేదికపై ఎస్పీ బాలుకు భావోద్వేగ నివాళి

తరానికి ఒక్కరు మాత్రమే ఇలాంటి గాయకులు వస్తారనిపించేలా తన గాన మాధుర్యాన్ని నలు దిక్కులా వ్యాపింపజేసిన మహోన్నత గాయకుడు ఎస్పీ బాలసుబ్రహ్మణ్యం నిన్న పరమపదించారు. ఆయన మృతికి తెలుగు బిగ్ బాస్ రియాలిటీ షో వేదికపై ఘననివాళి అర్పించారు. వారాంతం కావడంతో హోస్ట్ నాగార్జున బిగ్ బాస్ వేదికపైకి వచ్చారు. ఈ ప్రోమోను స్టార్ మా చానల్ తాజాగా విడుదల చేసింది.

ఆ స్వరం ఇక పలకదని, ఆ వరం మనకిక లేదని నాగార్జున భావోద్వేగాలతో చెప్పారు. సరిగమలు కన్నీళ్లు పెట్టాయి, రాగాలన్నీ బాధపడ్డాయి అంటూ బాలు మృతికి విచారం వ్యక్తం చేశారు. ఆయన సంగీతాన్ని గంధర్వులు తప్పక ఆస్వాదిస్తుంటారని కచ్చితంగా చెప్పగలను అంటూ నాగ్ తెలిపారు.