శివబాలాజీ ఫిర్యాదుపై స్పందించిన మానవహక్కుల కమిషన్

Wed, Sep 16, 2020, 06:29 PM
HRC responds on actor Shiva Balajis complaint
  • ఫీజు కోసం స్కూలు యాజమాన్యం వేధిస్తోందని శివబాలాజీ ఫిర్యాదు
  • ఆన్ లైన్ క్లాసుల నుంచి అర్ధాంతరంగా తొలగించారని ఆరోపణ
  • విచారణ జరపాలని డీఈవోను ఆదేశించిన హెచ్చార్సీ
ప్రైవేట్ పాఠశాలల దోపిడీతో విద్యార్థుల తల్లిదండ్రులు బెంబేలెత్తిపోతున్నారు. ఆన్ లైన్ క్లాసులు  జరుగుతున్న తరుణంలో సైతం పూర్తి ఫీజుల కోసం పాఠశాలల యాజమాన్యాలు వేధిస్తున్నాయి. ఇదే అనుభవం సినీనటుడు శివబాలాజీకి సైతం ఎదురైంది. ఫీజు కోసం మౌంట్ లిటేరా జీ స్కూల్ యాజమాన్యం వేధిస్తోందని ఆయన తెలంగాణ రాష్ట్ర మానవహక్కుల కమిషన్ కు ఫిర్యాదు చేశారు.

ఫీజులు తగ్గించాలని అడిగితే తన కుమారుడిని ఆన్ లైన్ క్లాసుల నుంచి అర్ధాంతరంగా తొలగించారని ఫిర్యాదులో శివబాలాజీ పేర్కొన్నారు. చాలా మంది తల్లిదండ్రులను ఇలాగే ఇబ్బంది పెడుతున్నారని... అయితే వారు బయటకు చెప్పుకోవడానికి భయపడుతున్నారని తెలిపారు. శివబాలాజీ ఫిర్యాదుపై మానవహక్కుల కమిషన్ స్పందించింది. సదరు పాఠశాలపై సమగ్ర విచారణ జరిపి, రెండు వారాల్లోగా నివేదిక ఇవ్వాలని డీఈఓకి నోటీసులు పంపింది.
X

Feedback Form

I agree to Terms of Service & Privacy Policy
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
GarudaVega Banner Ad
Aha
Latest Video News..
Advertisement