Virat Kohli: అనుష్కశర్మ బేబీ బంప్ పై ఎబ్బెట్టుగా మాట్లాడిన జర్నలిస్ట్... తీవ్రంగా మండిపడిన డైరెక్టర్ మారుతి!

విరాట్ కోహ్లీ, అనుష్కా శర్మ దంపతులు త్వరలోనే తల్లిదండ్రులు కాబోతున్నారన్న సంగతి తెలిసిందే. ఈ నేపథ్యంలో ఇటీవల అనుష్క, తన బేబీ బంప్ ను చూపిస్తూ, తాను తల్లిని కాబోతున్నానన్న ఆనందాన్ని సోషల్ మీడియాలో వ్యక్తం చేసింది. ఈ ఫోటోపై ఓ మహిళా జర్నలిస్టు వ్యంగ్యంగా కామెంట్ పెట్టారు. "అంతగా మిడిసిపడకు. అతను మిమ్మల్ని తల్లిని మాత్రమే చేశాడు. ఇంగ్లండ్ కు మహారాణిని ఏమీ చేయలేదు" అని వ్యాఖ్యానించారు.

ఇక, ఈ కామెంట్ చూసిన దర్శకుడు మారుతి తీవ్రంగా మండిపడ్డారు. "చాలా విచారకరమైన స్పందన. అది కూడా ఓ మహిళా జర్నలిస్ట్ నుంచి... ఓ మహిళ ఇంగ్లండ్ మహారాణి కావడం కన్నా, బిడ్డకు తల్లి కావడమే సంతోషకరం. అనుష్క సెలబ్రిటీ కావడానికన్నా ముందే ఓ యువతి. తల్లి కాబోతున్న క్షణాలను ప్రతి క్షణం ఆహ్వానించే హక్కు ఆమెకు ఉంది" అని తన ట్విట్టర్ ఖాతాలో వ్యాఖ్యానించారు.