హీరోతో ప్రేమలో పడిందంటూ ప్రచారం.. స్పందించిన హీరోయిన్ ర‌ష్మిక!

09-09-2020 Wed 09:47
  • ఆ వార్త‌ల‌ను ఖండించిన ర‌ష్మిక‌
  • తాను సింగిల్‌గా ఉన్నాన‌ని స్ప‌ష్టం
  • ఒంటరిగా ఉండటం నచ్చిందని వ్యాఖ్య‌
rashmika reject love matter

మ‌హేశ్ బాబు 'సరిలేరు నీకెవ్వరు' సినిమాతో పాటు నితిన్  'భీష్మ' సినిమాల్లో న‌టించి వరుసగా హిట్లు కొట్టి ఖుషీగా ఉన్న హీరోయిన్ ర‌ష్మిక ఇటీవల ఓ హీరోతో ల‌వ్ లో పడింద‌ని ప్ర‌చారం జ‌రుగుతోంది. తాజాగా ఓ ఇంటర్వ్యూలో మాట్లాడుతూ.. ఆమె ఆ వార్త‌ల‌ను ఖండించింది..  త‌నకు తెలిసిన ప్రతి యువ‌కుడి పక్కన త‌న పేరును పెడుతూ ప్ర‌చారం చేసేవారికి తాను ఓ  సమాధానం చెబుతున్నాన‌ని తెలిపింది.

తాను సింగిల్‌గా ఉన్నాన‌ని స్ప‌ష్టం చేసింది. త‌న‌కు  ఒంటరిగా ఉండటం నచ్చిందని చెప్పింది. జీవితంలో ఒంటరిగా, సంతోషంగా ఉండటం తెలుసుకుంటే కాబోయే జీవిత భాగస్వామిపై కూడా అంచనాలు ఇంకా పెరుగుతాయని చెప్పుకొచ్చింది. కాగా, ఈ భామ చేతిలో ఇప్పుడు ప‌లు సినిమాలు ఉన్నాయి.