Vinesh Phogat: భారత రెజ్లర్‌ వినేశ్‌ ఫొగాట్ కు కరోనా పాజిటివ్

భారత క్రీడాకారులపై కూడా కరోనా పంజా విసురుతోంది. ఐపీఎల్ ఆడుతున్న కొందరు క్రికెటర్లకు పాజిటివ్ అని తేలిన సంగతి తెలిసిందే. తాజాగా స్టార్ రెజ్లర్ వినేశ్ ఫొగాట్ కూడా ఈ మహమ్మారి బారిన పడింది. రాజీవ్ ఖేల్ రత్న అవార్డుకు వినేశ్ ఫొగాట్ ఎంపికైన సంగతి తెలిసిందే. కరోనా నేపథ్యంలో వర్చువల్ గా అందిస్తున్న ఈ పురస్కారాలకు ఆమె దూరమయ్యారు. క్రీడాపురస్కారాలను అందుకోనున్న 74 మందికి కోవిడ్ పరీక్షలను నిర్వహించగా వినేశ్ కు కరోనా సోకినట్టు తేలింది. అయితే, ఆమెకు కరోనా లక్షణాలు ఏమీ లేవు. ఈ విషయాన్ని ఆమే స్వయంగా తెలిపింది. ప్రస్తుతం తాను హోం ఐసొలేషన్ లో ఉన్నట్టు వెల్లడించింది.