Narendra Modi: ప్రధాని నివాసంలో నెమళ్లు.. స్వయంగా ఆహారం తినిపించిన మోదీ... చిత్రాలు వైరల్!

తన నివాసంలో నెమళ్లను పెంచుతున్న ప్రధాని నరేంద్ర మోదీ, వాటి ఆలనా, పాలనా చూస్తూ, వాటికి ఆహారాన్ని తినిపిస్తున్న ఓ వీడియోను తన ట్విట్టర్ ఖాతాలో పోస్ట్ చేశారు. ఈ వీడియో ఇప్పుడు వైరల్ అవుతోంది. మార్నింగ్ వాక్ సమయంలో నెమళ్లను జాగ్రత్తగా చూసుకుంటూ, వాటికి ఆహారాన్ని తినిపిస్తుండటం, నెమళ్లు సైతం, మోదీని చూసి దగ్గరకు వచ్చి, ఆయన పెడుతున్న ఆహారాన్ని తింటూ ఉండటం వంటి దృశ్యాలు ఇందులో కనిపిస్తున్నాయి. ఓ నెమలైతే, మోదీని చూసి, పురివిప్పి ఆడింది కూడా. పర్యావరణంపై ఎంతో మక్కువను చూపించే మోదీ, ఇప్పటికే రెండు పుస్తకాలను కూడా రాశారు. తన ఇంటి ఆవరణలో పక్షులు నివాసం ఉండేందుకు అవసరమైన గూళ్లను కట్టుకునే ఏర్పాట్లు కూడా చేయించారు.