Chiranjeevi: వెబ్ సిరీస్ లో నటిస్తున్న చిరంజీవి?

మెగాస్టార్ చిరంజీవి ఈనెల 22న పుట్టినరోజును జరుపుకుంటున్నారు. ఈ సందర్భాన్ని పురస్కరించుకుని వివిధ భాషలకు చెందిన సినీ సూపర్ స్టార్లు కామన్ మోషన్ పోస్టర్ ను విడుదల చేయబోతున్నారు. ఇదే సమయంలో చిరు తాజా చిత్రం 'ఆచార్య' ఫస్ట్ లుక్ కూడా విడుదల కాబోతోంది. ఈ సినిమాలో చిరు సరసన కాజల్ అగర్వాల్ నటిస్తుండగా... కొరటాల శివ దర్శకత్వం వహిస్తున్నారు. ఈ సినిమాకు సంబంధించి మహేశ్ బాబు వాయిస్ ఓవర్ ఇస్తున్నారని సమాచారం. మరోవైపు, ఒక ఆసక్తికర వార్త వినిపిస్తోంది. తన కుమార్తె సుస్మిత నిర్మిస్తున్న వెబ్ సిరీస్ లో చిరు నటించబోతున్నట్టు తెలుస్తోంది. దీనికి సంబంధించిన క్లారిటీ కూడా రేపు రానున్నట్టు సమాచారం.