Fake Video: ఫ్యాక్ట్ చెక్... ఈ భయంకర వీడియో హైదరాబాద్, మెహిదీపట్నంలోది కాదు!

ఇటీవలి వర్షాలకు హైదరాబాద్, మెహిదీపట్నంలో ఓ బిల్ బోర్డు విరిగి పడిందంటూ సోషల్ మీడియాలో జరుగుతున్న ప్రచారం అవాస్తవమని తేలింది. వేర్వేరు బైకులపై వస్తున్న యువకులపై బిల్ బోర్డు గాల్లో ఎగిరి వస్తూ పడగా, వారిద్దరూ తీవ్రంగా గాయపడ్డారు. ఈ ఘటన హైదరాబాద్ లో జరిగిందంటూ, ఫేస్ బుక్ లో ఓ యూజర్ పోస్ట్ చేయగానే అది వైరల్ అయింది.

వాస్తవానికి ఇది పాకిస్థాన్ లోని కరాచీలో జరిగింది. ఈ నెల 6వ తేదీన కరాచీ మెట్రోపోల్ హోల్ సమీపంలో ఇది జరిగిందనడానికి ఎన్నో సాక్ష్యాలు ఉన్నాయి. పాకిస్థాన్ టీవీ వార్తా చానెళ్లు దీన్ని ప్రసారం చేశాయి కూడా. ఆ వెంటనే నగరంలోని అన్ని బిల్ బోర్డులనూ తొలగించాలని కమిషనర్ కార్యాలయం అధికారులను ఆదేశించింది కూడా. ఈ వీడియో హైదరాబాద్ లోనిది కాదంటూ, ఐఏఎస్ ఆఫీసర్ అరవింద్ కుమార్ సైతం ట్వీట్ చేశారు. పాకిస్థాన్ వీడియోను మీరూ చూడవచ్చు.