Salman Khan: బిగ్ బాస్-14 కోసం సల్మాన్ ఖాన్ కు కళ్లు చెదిరే పారితోషికం!

దేశవ్యాప్తంగా బిగ్ బాస్ రియాల్టీ షోల సందడి నెలకొంది. గతంలో హిందీలో మాత్రమే ప్రసారమైన బిగ్ బాస్ ఇప్పుడు ప్రాంతీయ భాషల్లోనూ ఎక్కడికక్కడ స్థానిక కంటెస్టెంట్లతో విశేష ప్రజాదరణ పొందుతోంది. ఏదేమైనా, ఇప్పటివరకు 13 సీజన్లు పూర్తిచేసుకున్న హిందీ బిగ్ బాస్ ప్రత్యేకత దాని హోస్ట్ సల్మాన్ ఖాన్ అని చెప్పడంలో సందేహం అక్కర్లేదు. ఏవో కొన్ని సీజన్లు తప్ప అత్యధిక సీజన్లకు సల్మానే హోస్ట్ గా వ్యవహరించాడు.

త్వరలోనే 14వ సీజన్ ప్రారంభం కానున్న తరుణంలో సల్మాన్ ఖాన్ పై ప్రోమో చిత్రీకరిస్తున్నారు. ఆసక్తికరమైన అంశం ఏమిటంటే... ఈ సీజన్ కోసం సల్మాన్ కు కళ్లు చెదిరే రీతిలో రూ.16 కోట్ల పారితోషికం ఇస్తున్నట్టు తెలుస్తోంది. ఇది దక్షిణాది భాషల అగ్రహీరోలు ఒక సినిమాకు తీసుకునే మొత్తంతో సమానం! కానీ సల్మాన్ ఖాన్ వంటి సూపర్ స్టార్ హోస్ట్ గా ఉన్నాడంటే ఆ కార్యక్రమం రేంజ్ ఎక్కడికి వెళుతుందో ప్రత్యేకంగా చెప్పనక్కర్లేదు. ఇప్పటికే టీఆర్పీ పరంగా హిందీ బిగ్ బాస్ షో అనేక రికార్డులు సొంతం చేసుకోవడంలో సల్మాన్ పాత్ర కూడా ఉంది.