Chiranjeevi: 'చిన్న చేపల వేపుడు' వీడియోను వాయిదా వేసిన చిరంజీవి

ఇటీవలే సోషల్ మీడియాలో ప్రవేశించిన మెగాస్టార్ చిరంజీవి నిత్యం ఎంతో సందడి చేస్తున్నారు. ఓవైపు సరదా, మరోవైపు సామాజిక స్పృహ... ఈ విధంగా ఆయన సోషల్ మీడియా లైఫ్ సాగిపోతోంది. ఈ ఉదయం ఆయన చేసిన ట్వీట్ అభిమానుల నోరూరించిందంటే అతిశయోక్తి కాదు. "చింత తొక్కుతో చిన్న చేపల గుజ్జు ఏపుడు ఈ సాయంత్రం 4 గంటలకు!" అంటూ చిన్న టీజర్ వదిలారంతే... అభిమానులు వేల రీట్వీట్లు, లైకులతో మోత మోగించారు. అయితే ఈ వీడియో విడుదల కార్యక్రమాన్ని చిరంజీవి వాయిదా వేసుకున్నారు. అందుకు కారణమేంటో చిరంజీవి మాటల్లోనే చూద్దాం! "విజయవాడలో జరిగిన విషాద ఘటనతో కలత చెందాను. అందుకే ఈ వీడియోను ఇవాళ పోస్టు చేయడంలేదు" అని ట్విట్టర్ ద్వారా వెల్లడించారు.