Rakul Preet Singh: టాలీవుడ్ బయోపిక్ లో రకుల్ ప్రీత్ సింగ్?

ఇటీవలి కాలంలో ప్రముఖుల బయోపిక్ లకు ప్రేక్షకుల నుంచి మంచి ఆదరణ లభిస్తుండడంతో అన్ని భాషల్లోనూ ఈ తరహా చిత్రాల నిర్మాణం జరుగుతోంది. ముఖ్యంగా క్రీడలకు సంబంధించిన వారి బయోపిక్ లకు క్రేజ్ ఎక్కువగా ఉంటోంది. అందుకే, క్రీడారంగ ప్రముఖుల జీవితాలలోని ఆటుపోట్ల చుట్టూ అల్లిన కథలతో బయోపిక్ లను తెరకెక్కిస్తున్నారు.

ఈ క్రమంలో ప్రముఖ వెయిట్ లిఫ్టర్, ఒలింపిక్స్ విజేత, తెలుగు మహిళ అయిన కరణం మల్లేశ్వరి బయోపిక్ కూడా రూపొందుతోంది. ప్రముఖ రచయిత కోన వెంకట్, విశాఖ ఎంపీ ఏమ్వీవీ సత్యనారాయణ కలసి నిర్మిస్తున్న ఈ చిత్రానికి సంజనా రెడ్డి దర్శకత్వం వహిస్తోంది. ఇక ఇందులో కరణం మల్లేశ్వరి పాత్రకు పలువురిని పరిశీలించిన మీదట తాజాగా రకుల్ ప్రీత్ సింగ్ ని ఎంపిక చేసినట్టు తెలుస్తోంది. ఇందుకు సంబంధించి ఆమెతో ఒప్పందం కూడా జరిగినట్టు చెబుతున్నారు.