Suresh Babu: రానా పెళ్లి వేడుకతో ఎవరి ఆరోగ్యాన్ని ఇబ్బందుల్లోకి నెట్టలేం: డి.సురేశ్ బాబు

  • ఈ నెల 8న రానా, మిహికా పెళ్లి
  • రామానాయుడు స్టూడియోలో వివాహ వేడుక
  • అతిథులకు కరోనా టెస్టులు తప్పనిసరన్న సురేశ్ బాబు
Suresh Babu said they can not put others health into risk in the account of Rana marriage

టాలీవుడ్ నటుడు రానా, మిహికా బజాజ్ ల వివాహం ఈ నెల 8న జరగనుంది. కరోనా వ్యాప్తి నేపథ్యంలో రానా పెళ్లి వేడుక కొద్దిమందితోనే నిర్వహించాలని నిర్ణయించారు. దీనిపై రానా తండ్రి, ప్రముఖ నిర్మాత డి.సురేశ్ బాబు మాట్లాడుతూ, రోకా వేడుక నిర్వహించిన రామానాయుడు స్టూడియోలోనే వివాహం కూడా జరుగుతుందని వెల్లడించారు.

ఈ పెళ్లికి 30 లోపు మందినే పిలుస్తున్నామని, తమ కుటుంబ సభ్యులు మినహా అతి కొద్దిమంది అతిథులే వస్తారని వివరించారు. టాలీవుడ్ ప్రముఖులను కూడా పిలవడంలేదని, రానా పెళ్లి వేడుకతో వారి ఆరోగ్యాన్ని ప్రమాదంలోకి నెట్టలేమని సురేశ్ బాబు పేర్కొన్నారు. ఈ పెళ్లికి వచ్చే ప్రతి ఒక్కరికీ కరోనా టెస్టు తప్పనిసరి అని, భౌతికదూరం అమలు చేస్తామని వివరించారు. రానా పెళ్లి వేడుక చిన్నదే అయినా, అందమైన కార్యక్రమం అని అభివర్ణించారు.

More Telugu News