Sukumar: స్వగ్రామంలో స్కూలు భవనం నిర్మించేందుకు ముందుకొచ్చిన సుకుమార్

టాలీవుడ్ క్రియేటివ్ డైరెక్టర్ సుకుమార్ సామాజిక సేవపై ఆసక్తి ప్రదర్శిస్తున్నారు. స్వగ్రామంలో ఓ స్కూలు బిల్డింగ్ నిర్మించేందుకు ముందుకొచ్చారు. సుకుమార్ తూర్పు గోదావరి జిల్లాలోని మట్టుపర్రు గ్రామానికి చెందిన వ్యక్తి. రాజోలు సమీపంలో ఉండే ఈ ఊరిలో మండల ప్రజాపరిషత్ ప్రాథమికోన్నత పాఠశాల ప్రాంగణంలో రెండు అంతస్తులతో నూతన భవనం నిర్మించాలని సుకుమార్ నిర్ణయించుకున్నారు. అందుకోసం రూ.14 లక్షలు వెచ్చించనున్నారు. తన తండ్రి  బండ్రెడ్డి తిరుపతినాయుడు పేరిట ఈ భవనం నిర్మించనున్నారు.