నలుగురు చెల్లెళ్లతో హీరో అక్షయ్ కుమార్.. 'ర‌క్షా బంధ‌న్' ఫస్ట్‌ లుక్‌ విడుదల!

రాఖీ పండుగ సందర్భంగా బాలీవుడ్ సినిమా 'ర‌క్షా బంధ‌న్' సినిమా ఫ‌స్ట్ లు‌క్‌ను ఆ చిత్ర హీరో అక్షయ్ కుమార్ తన ట్విట్టర్ ఖాతా ద్వారా విడుద‌ల చేశాడు. ఈ ఫొటోలో నలుగురు చెల్లెళ్లను ఆప్యాయంగా హత్తుకున్న అక్షయ్ కుమార్ ఆనందంగా కనిపిస్తున్నాడు. ఈ సినిమా క‌థ ప్రేక్షకుల హృద‌యాల‌ను తాకుతుందని, తన కెరీర్‌లో అతి త్వ‌ర‌గా సంత‌కం చేసిన ప్రాజెక్ట్ ఇదేనని ఆయన చెప్పాడు.

ఈ సినిమా ప్రేక్షకులను న‌వ్వించ‌డంతో పాటు ఏడిపిస్తుందని ఆయన తెలిపాడు. ఈ సినిమాలో తన చెల్లెళ్లు, సోదరుడిగా న‌టించిన వారికి ధ‌న్య‌వాదాలు తెలుపుతున్నానని పేర్కొన్నాడు. ఈ సినిమాను తన సోద‌రి అల్కాకి అంకిత‌మిస్తున్నానని చెప్పాడు. ఈ సినిమాను వచ్చే ఏడాది విడుదల చేయనున్నారు.