Ramnath Kovind: రేసింగ్ అభిరుచి ఉన్న బాలుడికి సైకిల్ కొనిచ్చి ప్రోత్సహించిన రాష్ట్రపతి కోవింద్

రియాజ్ అనే బాలుడు సైక్లింగ్ చాంపియన్ గా నిలవాలని కఠోర సాధన చేస్తున్న విషయం తెలుసుకున్న రాష్ట్రపతి రామ్ నాథ్ కోవింద్ ఆ బాలుడికి ఓ రేసింగ్ సైకిల్ కానుకగా అందించారు. రియాజ్ ఢిల్లీలోని సర్వోదయ బాల విద్యాలయంలో 9వ తరగతి చదువుతున్నాడు. రియాజ్ ఓవైపు చదువుకుంటూనే రేసింగ్ కు అవసరమైన డబ్బు కోసం ఓ హోటల్లో పనిచేస్తున్నాడు. ఈ విషయం రాష్ట్రపతి రామ్ నాథ్ కోవింద్ దృష్టికి వెళ్లడంతో ఆయన సానుకూలంగా స్పందించారు. ఆ బాలుడికి ఖరీదైన రేసింగ్ సైకిల్ కొనిచ్చారు. రేసింగ్ లో ఉన్నతస్థానం అందుకోవాలని ఆ బాలుడ్ని ఆశీర్వదించారు.