Ambati Rambabu: కరోనా నుంచి కోలుకున్న అంబటి రాంబాబు... ఇంటికొచ్చేశానంటూ ట్వీట్
- కొన్నిరోజుల కిందట అంబటికి కరోనా పాజిటివ్
- ఇవాళ డిశ్చార్జి అయ్యానంటూ అంబటి వెల్లడి
- పేరుపేరునా ధన్యవాదాలు
ఇటీవల వైసీపీ ఎమ్మెల్యే అంబటి రాంబాబు కరోనా బారినపడిన సంగతి తెలిసిందే. ప్రస్తుతం ఆయన కోలుకుని డిశ్చార్జి అయ్యారు. ఈ విషయం స్వయంగా ఆయనే వెల్లడించారు. "మీ అందరి ఆశీస్సుల వల్ల కోలుకున్నాను. కరోనా సోకడంతో 10 రోజుల పాటు ట్రీట్ మెంట్ తీసుకుని నెగెటివ్ రావడంతో డిశ్చార్జి అయ్యి ఈరోజే ఇంటికి వచ్చాను. అయితే ఓ వారం పాటు హోం క్వారంటైన్ లో ఉండాలని డాక్టర్లు సలహా ఇచ్చారు. నేను కోలుకోవాలని కోరుకున్న ప్రతి ఒక్కరికీ పేరుపేరునా ధన్యవాదాలు" అంటూ ట్వీట్ చేశారు.
