Fire Accident: విశాఖలో మరో ప్రమాదం... రసాయనాలతో కూడిన కంటైనర్లు దగ్ధం
ప్రశాంతతకు నెలవుగా చెప్పుకునే విశాఖపట్నంలో ఇటీవల వరుసగా ప్రమాదాలు సంభవిస్తున్నాయి. తాజాగా షీలా నగర్ సమీపంలోని గేట్ వే సీఎఫ్ఎస్ కంటైనర్ యార్డులో అగ్నిప్రమాదం జరిగింది. పలు కంటైనర్లు ఈ ప్రమాదంలో కాలిపోయాయి. ఆ కంటైనర్లలో అల్యూమినియం ఫ్లోరైడ్ రసాయనం ఉన్నట్టు భావిస్తున్నారు.
ప్రమాదం నేపథ్యంలో దట్టమైన పొగలు, రసాయన పదార్థం వాసనలతో స్థానికుల్లో తీవ్ర ఆందోళన నెలకొంది. ప్రమాదంపై సమాచారం అందిన వెంటనే అగ్నిమాపక సిబ్బంది సంఘటన స్థలానికి చేరుకుని మంటలను ఆర్పివేశాయి. ఓ కంటైనర్ ను తరలించే సమయంలో క్రేన్ ఒరిపిడికి మంటలు చెలరేగడంతో ఈ ప్రమాదం జరిగినట్టు భావిస్తున్నారు.
ప్రమాదం నేపథ్యంలో దట్టమైన పొగలు, రసాయన పదార్థం వాసనలతో స్థానికుల్లో తీవ్ర ఆందోళన నెలకొంది. ప్రమాదంపై సమాచారం అందిన వెంటనే అగ్నిమాపక సిబ్బంది సంఘటన స్థలానికి చేరుకుని మంటలను ఆర్పివేశాయి. ఓ కంటైనర్ ను తరలించే సమయంలో క్రేన్ ఒరిపిడికి మంటలు చెలరేగడంతో ఈ ప్రమాదం జరిగినట్టు భావిస్తున్నారు.
