Naga shaurya: కండలు తిరిగిన దేహంతో విల్లు ఎక్కుపెట్టిన నాగశౌర్య.. కొత్త సినిమా ఫస్ట్లుక్ అదుర్స్
- 20వ సినిమాలో నటిస్తోన్న నాగశౌర్య
- సంతోష్‌ జాగర్లపూడి దర్శకత్వలో సినిమా
- ఫస్ట్లుక్ విడుదల చేసిన శేఖర్‌ కమ్ముల
- జుట్టు, గెడ్డం కూడా బాగా పెంచేసి కనపడుతున్న నాగశౌర్య
టాలీవుడ్ యంగ్‌ హీరో నాగశౌర్య 20వ సినిమా ఫస్ట్లుక్ విడుదలైంది. సంతోష్‌ జాగర్లపూడి దర్శకత్వలో ఈ సినిమా రూపుదిద్దుకుంటోంది. ఈ సినిమాలో నాగశౌర్య కండలవీరుడిగా కనిపించబోతున్నాడు. కండలు తిరిగిన దేహంతో, చేతిలో విల్లు ఎక్కుపెట్టి కనిపిస్తున్న నాగశౌర్య లుక్‌ అదిరిపోయింది.
జుట్టు, గెడ్డం కూడా బాగా పెంచేసి ఆయన కనపడుతున్నాడు. ఈ సినిమా ఫస్ట్‌ లుక్‌ను దర్శకుడు శేఖర్‌ కమ్ముల తన ట్విట్టర్‌ ఖాతా ద్వారా విడుదల చేశారు. ప్రాచీన విలువిద్య నేపథ్యంలో ఈ సినిమా ఉంటుందని తెలుస్తోంది.
ఈ మూవీని శ్రీ వెంకటేశ్వర సినిమాస్‌, నార్త్‌స్టార్‌ ఎంటర్‌టైన్‌మెంట్‌ పతాకాలపై నారాయణ్‌ దాస్‌ నారంగ్, పుస్కూర్‌ రామ్‌మోహన్‌ రావు, శరత్‌ మరార్‌ నిర్మిస్తున్నారు. ఈ ఏడాది జనవరిలో అశ్వథ్థామ సినిమాతో నాగశౌర్య ప్రేక్షకులను అలరించిన విషయం తెలిసిందే.
