Visakhapatnam District: విశాఖలో పెరుగుతున్న మరణాలు.. భయపడుతున్న ప్రజలు
విశాఖపట్టణంలో కరోనా మరణాలు ఆందోళనకర స్థాయిలో పెరుగుతున్నాయి. జిల్లాలో ఇప్పటి వరకు 47 మంది కరోనా బాధితులు మృతి చెందగా, వారిలో 34 మంది గత 8 రోజుల్లోనే మృతి చెందారు. జిల్లాలో మే 1న తొలి మరణం నమోదు కాగా, గత వారం రోజుల్లో మరణాల సంఖ్య పెరిగింది. ఈ నెల 11న ఏడుగురు మృతి చెందగా, 12న ముగ్గురు, 13న నలుగురు, 14న ఆరుగురు, 15న ఐదుగురు, 16న ఆరుగురు, 17న ఒకరు చనిపోగా, నిన్న ఇద్దరు మృతి చెందారు.
మరోవైపు, నగరంలోని ప్రాంతీయ కొవిడ్ ఆసుపత్రి విమ్స్లోనూ మరణాలు పెరుగుతున్నాయి. ఈ ఆసుపత్రిలో శ్రీకాకుళం, విజయనగరం, విశాఖపట్టణం, తూర్పుగోదావరి జిల్లాలకు చెందిన పాజిటివ్ రోగులకు, తీవ్ర అనారోగ్యంతో బాధపడుతున్న 60 ఏళ్లు పైబడిన వృద్ధులకు మాత్రమే చికిత్స అందిస్తున్నారు. ఇక్కడ చికిత్స పొందినవారిలో ఈ నెల 17 వరకు 295 మంది డిశ్చార్జ్ కాగా, 62 మంది మృతి చెందారు. 179 మందికి ఇంకా చికిత్స అందిస్తున్నట్టు వైద్యులు తెలిపారు.
మరోవైపు, నగరంలోని ప్రాంతీయ కొవిడ్ ఆసుపత్రి విమ్స్లోనూ మరణాలు పెరుగుతున్నాయి. ఈ ఆసుపత్రిలో శ్రీకాకుళం, విజయనగరం, విశాఖపట్టణం, తూర్పుగోదావరి జిల్లాలకు చెందిన పాజిటివ్ రోగులకు, తీవ్ర అనారోగ్యంతో బాధపడుతున్న 60 ఏళ్లు పైబడిన వృద్ధులకు మాత్రమే చికిత్స అందిస్తున్నారు. ఇక్కడ చికిత్స పొందినవారిలో ఈ నెల 17 వరకు 295 మంది డిశ్చార్జ్ కాగా, 62 మంది మృతి చెందారు. 179 మందికి ఇంకా చికిత్స అందిస్తున్నట్టు వైద్యులు తెలిపారు.
