సింహాలు కూడా ఈదుతాయి... గిర్ అడవుల్లో రికార్డు చేసిన వీడియో ఇదిగో!

అడవికి రారాజుగా చెప్పుకునే సింహానికి నీటిలో ఈదడం రాదని ఇప్పటివరకు భావించేవారు. అయితే ఇప్పుడీ వీడియో చూస్తే సింహాలు భేషుగ్గా ఈదుతాయని ఎవరైనా నమ్మేయాల్సిందే. గిర్ అడవుల్లోని ఓ రిజర్వాయర్ లో మూడు సింహాలు ఈదుకుంటూ అవతలి ఒడ్డు చేరడాన్ని ఓ ఫారెస్ట్ గార్డు వీడియోలో రికార్డు చేశారు. ఆ మూడు సింహాలు పక్కపక్కనే ఈదుతూ ఒడ్డుకి చేరిన పిమ్మట మళ్లీ అడవిలోకి వెళ్లిపోయాయి. దీనికి సంబంధించిన వీడియో సామాజిక మాధ్యమాల్లో వైరల్ అవుతోంది. అనేకమంది వన్యప్రాణి నిపుణులు సింహాలు ఈదడం చూసి ఆశ్యర్యపోతున్నారు.