ap7am logo

'పవర్ స్టార్' నుండి మరో పోస్టర్ విడుదల చేసిన వర్మ

Thu, Jul 09, 2020, 01:47 PM
RGV releases new poster from Power Star movie
  • వివాదాస్పద అంశంతో 'పవర్ స్టార్' చిత్రం
  • ఎవరినీ ఉద్దేశించి తీస్తున్నది కాదని చెపుతున్న వర్మ
  • పోస్టర్ చూడగానే గుర్తుకొస్తున్న ప్రధాన పాత్ర
కరోనా సమయంలో టాలీవుడ్ దర్శకుడు రామ్ గోపాల్ వర్మ స్పీడు పెంచారు. ఇప్పటికే వరుసగా అడల్ట్ కంటెంట్ సినిమాలను ఆన్ లైన్లో విడుదల చేస్తూ సంచలనం రేపిన వర్మ... ఇప్పుడు తాజాగా ఓ వివాదాస్పద కథాంశం ఆధారంగా చిత్రాన్ని తెరకెక్కిస్తున్నారు.

 'పవర్ స్టార్' పేరుతో తీస్తున్న సినిమాకు సంబంధించి అప్పుడే ప్రమోషన్ ను తనదైన శైలిలో ప్రారంభించారు. ఈ చిత్రం ఎవరినీ ఉద్దేశించి తీస్తున్నది కాదని వర్మ చెపుతున్నప్పటికీ... ఎవరిని ఉద్దేశించి తీస్తున్నారో పోస్టర్ ను చూడగానే ఎవరికైనా అర్థమవుతుంది. 'పవర్ స్టార్' టైటిల్ మధ్యలో ఓ రాజకీయ పార్టీకి చెందిన గుర్తు గాజు గ్లాసును కూడా పెట్టారు.

తాజాగా ఈ సినిమాలోని ప్రధాన పాత్రకు సంబంధించిన ఫస్ట్ లుక్ ను వర్మ విడుదల చేశారు. ఈ సందర్భంగా ఆయన చేసిన ట్వీట్ ఆసక్తికరంగా ఉంది. ''పవర్ స్టార్'లో ప్రధాన పాత్రను పోషిస్తున్న యాక్టర్ నేను చూసిన ప్రతి స్టార్ కన్నా పవర్ ఫుల్' అని కామెంట్ చేశారు.
X

Feedback Form

I agree to Terms of Service & Privacy Policy
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
GarudaVega Banner Ad