ap7am logo

అమెరికా అధ్యక్షుడు ట్రంప్ భార్య మెలానియా విగ్రహానికి నిప్పు

Thu, Jul 09, 2020, 11:56 AM
Melania trump wooden statue set on fire in slovenia
  • మెలానియా ట్రంప్ స్వస్థలం స్లోవేనియాలో విగ్రహం
  • అమెరికా స్వాతంత్ర్య దినోత్సవం రోజునే నిప్పు
  • ఈ ఏడాది మొదట్లో ట్రంప్ విగ్రహానికి కూడా నిప్పు పెట్టిన దుండగులు
అమెరికా అధ్యక్షుడు ట్రంప్ భార్య మెలానియా విగ్రహానికి కొందరు దుండగులు నిప్పు పెట్టారు. మెలానియా స్వస్థలమైన స్లోవేనియాలో ఏర్పాటు చేసిన ఆమె చెక్క విగ్రహానికి ఈ నెల 4న అమెరికా స్వాతంత్ర్య దినోత్సవం రోజునే నిప్పు పెట్టినట్టు విగ్రహాన్ని తయారు చేసిన కళాకారుడు, బెర్లిన్‌కు చెందిన అమెరికన్ ఆర్టిస్ట్ బ్రాడ్ డౌనీ తెలిపారు. విగ్రహం దెబ్బతిన్న విషయాన్ని ఆ తర్వాతి రోజు పోలీసులు తనకు సమాచారం ఇవ్వడంతో దానిని తొలగించినట్టు ఆయన వివరించారు.

మెలానియా ట్రంప్ విగ్రహానికి నిప్పు ఘటన అమెరికాలో రాజకీయ చర్చకు కారణమవుతుందని భావిస్తున్నట్టు డౌనీ పేర్కొన్నారు. అయితే, ఈ ఘటనపై అమెరికా ఇప్పటి వరకు స్పందించలేదు. విగ్రహానికి నిప్పు ఘటనపై దర్యాప్తు పూర్తి కాకపోవడంతో ఎలాంటి వివరాలు వెల్లడించలేమని వాషింగ్టన్‌లోని మెలానియా కార్యాలయం పేర్కొంది. కాగా, స్లోవేనియాలో ఏర్పాటు చేసిన డొనాల్డ్ ట్రంప్ చెక్క విగ్రహాన్ని కూడా ఈ ఏడాది జనవరిలో కొందరు దుండగులు దహనం చేశారు.
X

Feedback Form

I agree to Terms of Service & Privacy Policy
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
GarudaVega Banner Ad
Latest Video News..
Advertisement