Swadhatri Scam: హైదరాబాదులో రూ.300 కోట్ల రియల్ ఎస్టేట్ స్కాం.. ముగ్గురిని అరెస్ట్ చేసిన పోలీసులు

స్వధాత్రి రియల్ ఎస్టేట్ స్కాంలో ముగ్గురు నిందితులను హైదరాబాదు పోలీసులు అరెస్ట్ చేశారు. రఘు, మీనాక్షి, శ్రీనివాస్ లను అదుపులోకి తీసుకున్నారు. తెలుగు రాష్ట్రాల్లో దాదాపు 3 వేల మందికి కుచ్చుటోపీ పెట్టి వారి నుంచి వసూలు చేసిన డబ్బుతో భూములు కొనుగోలు చేసినట్టు గుర్తించారు. రూ.300 కోట్ల మేర స్కాం జరిగిందని భావిస్తున్నారు. ప్రజల సొమ్ముతో భూములు కొన్న స్వధాత్రి రియల్ ఎస్టేట్ సంస్థ ఆ భూములను అమ్మేసింది. బ్రోకర్లు, ఏజెంట్ల ద్వారా ప్రజల నుంచి డబ్బులు వసూలు చేసిన స్వధాత్రి యజమాని యార్లగడ్డ రఘు మల్టీ లెవల్ మార్కెటింగ్ ద్వారా రియల్ ఎస్టేట్ కార్యకలాపాలు కొనసాగించారు. ఈ స్కాంలో ఏజెంట్లపైనా కేసులు నమోదు చేసే అవకాశం ఉందని భావిస్తున్నారు.