China: మోదీ లడఖ్ పర్యటనపై ఆగమేఘాలపై స్పందించిన చైనా

ప్రధాని నరేంద్ర మోదీ ఇవాళ లడఖ్ లో పర్యటించి, సరిహద్దు విధుల్లో ఉన్న భారత సైన్యాన్ని ఉత్తేజపరిచేలా ప్రసంగించారు. దీనిపై చైనా హడావుడిగా స్పందించింది. సరిహద్దుల్లో ఉద్రిక్తతలు నెలకొన్నాయని, ఈ పరిస్థితులను సాధారణ స్థితికి తీసుకువచ్చేందుకు ఇరు దేశాలు సైనిక, దౌత్యమార్గాల్లో చర్చలు జరుపుతున్నాయని చైనా విదేశాంగ శాఖ పేర్కొంది. ఇలాంటి నేపథ్యంలో సరిహద్దుల్లో పరిస్థితి తీవ్రతను పెంచేలా ఎవరూ వ్యవహరించకూడదు అంటూ మోదీ లడఖ్ పర్యటను ఉద్దేశించి పరోక్ష వ్యాఖ్యలు చేసింది. ఈ మేరకు చైనా విదేశాంగ మంత్రిత్వ శాఖ అధికార ప్రతినిధి ఝావో లిజియాన్ ఓ ప్రకటన విడుదల చేశారు.