తీవ్ర ఆవేదనతో జూనియర్ ఎన్టీఆర్ కు ట్వీట్ చేసిన మీరా చోప్రా

తెలుగులో కొన్ని సినిమాలు చేసిన మీరా చోప్రా అనూహ్యరీతిలో తెరపైకి వచ్చారు. తనను జూనియర్ ఎన్టీఆర్ ఫ్యాన్స్ వేధిస్తున్నారంటూ ఎంతో ఆవేదనతో ట్వీట్ చేశారు.

"తారక్...  మీ అభిమానులు నన్ను ఓ వేశ్య, అశ్లీల నటి అని పిలుస్తారని అనుకోలేదు. మీ కంటే మహేశ్ బాబునే ఎక్కువగా ఇష్టపడతానని నేను చెప్పడమే దీనికంతటికీ కారణం అనుకుంటున్నా.  కానీ మీ అభిమానులు నా తల్లిదండ్రులకు అసభ్యకరమైన సందేశాలు పంపుతున్నారు. ఇటువంటి అభిమానులతో మీరు సక్సెస్ సాధించినట్టు ఫీలవుతున్నారా? మీరు తప్పకుండా నా ట్వీట్ పట్ల స్పందిస్తారని ఆశిస్తున్నాను" అంటూ తారక్ ను ఉద్దేశించి ట్వీట్ చేశారు. మీరా చోప్రా బంగారం సినిమాలో పవన్ కల్యాణ్ సరసన కూడా నటించింది.