దేశంలో జూన్ 30 వరకు లాక్ డౌన్ పొడిగింపు

30-05-2020 Sat 19:06
  • మరోసారి లాక్ డౌన్ పొడిగించిన కేంద్రం
  • రేపటితో ముగియనున్న నాలుగో విడత లాక్ డౌన్
  • రాత్రివేళ కర్ఫ్యూ కుదింపు
Lock down extended till June end

దేశంలో జూన్ 30 వరకు లాక్ డౌన్ పొడిగించారు. కరోనా నివారణ కోసం లాక్ డౌన్ ను పొడిగిస్తూ వస్తున్నారు. అయితే, ఇప్పటికే పలు ఆంక్షలు సడలించినందున ఈ సుదీర్ఘ లాక్ డౌన్ దేశంలో అత్యధిక ప్రాంతాల్లో ఇబ్బందులు కలిగించబోదని భావిస్తున్నారు. కంటైన్మెంట్ జోన్లలో మాత్రమే ఇది పూర్తిగా అమల్లో ఉండనుంది.

నాలుగో విడత లాక్ డౌన్ రేపటితో ముగియనుండడంతో కేంద్ర హోం మంత్రిత్వ శాఖ ఈ మేరకు ఓ ప్రకటన చేసింది. తాజాగా మరికొన్ని సడలింపులు కూడా చేశారు. రాత్రివేళ కర్ఫ్యూను 9 గంటల నుంచి ఉదయం 5 గంటల వరకు కుదించారు. ఇక, కంటైన్మెంట్ జోన్ల వెలుపల మాల్స్, షాపింగ్ మాళ్లను తెరిచే అంశంలోనూ కేంద్రం వెసులుబాటు ఇచ్చినట్టు తెలుస్తోంది. మాల్స్, రెస్టారెంట్లు జూన్ 8 తర్వాత పునఃప్రారంభం అవుతాయని భావిస్తున్నారు.