ap7am logo

అగస్టా వెస్ట్ లాండ్ కుంభకోణం దర్యాప్తులో మరో కీలక పరిణామం

Fri, May 29, 2020, 09:49 PM
ED attaches accused Rajiv Saxena assets
  • నిందితుడు రాజీవ్ సక్సేనాకు చెందిన ఆస్తుల జప్తు
  • రూ.385 కోట్ల విలువైన ఆస్తుల అటాచ్
  • గతేడాది జనవరిలో అరెస్ట్ అయిన సక్సేనా
కొన్నేళ్ల కిందట దేశాన్ని కుదిపేసిన అగస్టా వెస్ట్ ల్యాండ్ హెలికాప్టర్ల కొనుగోలు కుంభకోణంలో ఈడీ దర్యాప్తు కొనసాగుతోంది. తాజాగా, ఈ కుంభకోణంతో సంబంధముందని ఆరోపణలు ఎదుర్కొంటున్న రాజీవ్ సక్సేనాకు చెందిన రూ.385 కోట్ల విలువైన ఆస్తులను ఈడీ జప్తు చేసింది. ప్రివెన్షన్ ఆఫ్ మనీ లాండరింగ్ యాక్ట్ (పీఎంఎల్ఏ) కింద ఈ చర్య తీసుకుంది.

ఇక ఈడీ అటాచ్ చేసిన ఆస్తుల్లో దుబాయ్ లోని పామ్ జుబేరా దీవిలోని విలాసవంతమైన భవనం, ఐదు స్విస్ బ్యాంక్ అకౌంట్లలోని నగదు ఉన్నాయి. ఈ కేసులో ఆరోపణలు ఎదుర్కొంటున్న రాజీవ్ సక్సేనాను గతేడాది జనవరిలో మనీ లాండరింగ్ చట్టం కింద యూఏఈలో అరెస్ట్ చేశారు. అరెస్టయిన పిదప సక్సేనా అప్రూవర్ గా మారాడు. కాగా, ఇదే కుంభకోణంలో మరోవైపు సీబీఐ దర్యాప్తు కూడా కొనసాగుతోంది.
X

Feedback Form

I agree to Terms of Service & Privacy Policy
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
GarudaVega Banner Ad