శ్రీమతి సుహారిక మృతి కలచివేసింది: పవన్ కల్యాణ్
- కన్నా లక్ష్మీనారాయణ కోడలు హఠాన్మరణం
- దిగ్భ్రాంతి వ్యక్తం చేసిన పవన్ కల్యాణ్
- సుహారిక భర్త ఫణీంద్రకు ఇది ఊహించని విపత్తు
చిన్నవయసులోనే ఆమె మరణించడం బాధాకరమని, అప్పటివరకు స్నేహితులతో ఉత్సాహంగా గడిపి ఉన్నట్టుండి కుప్పకూలిపోయి ప్రాణాలు విడవడం దిగ్భ్రాంతి కలిగించిందని వెల్లడించారు. ఈ ఘటన కన్నా గారి కుటుంబానికి, ముఖ్యంగా సుహారిక భర్త ఫణీంద్రకు ఊహించని విపత్తు వంటిదని పవన్ అభిప్రాయపడ్డారు. ఈ విషాదం నుంచి కన్నా లక్ష్మీనారాయణ, ఫణీంద్ర, ఇతర కుటుంబ సభ్యులు త్వరగా కోలుకోవాలని కోరుకుంటున్నట్టు తెలిపారు. సుహారిక మృతికి తన తరఫున, జనసేన తరఫున సంతాపం వ్యక్తం చేశారు.
