ఆధార్ తో మొబైల్ లింక్ అయ్యుంటే చిటికెలో 'పాన్'!

గతంలో పాన్ నెంబరు కోసం వారాల తరబడి వేచి చూడాల్సి వచ్చేది. ఇప్పుడలా కాదు. కేంద్రం ఈ-పాన్ పేరిట సత్వర శాశ్వత ఖాతా నెంబరును మంజూరు చేస్తోంది. ఇప్పుడా పథకానికి మరింత మెరుగులు దిద్దుతూ మరింత త్వరితగతిన పాన్ పొందే సౌలభ్యం తీసుకువచ్చింది. మీకు ఆధార్ కార్డు ఉండి, ఆ ఆధార్ కార్డుతో మొబైల్ నెంబరు లింక్ అయ్యుంటే చాలు... క్షణాల్లో పాన్ నెంబరు జారీ అవుతుంది. ఇది పూర్తిగా ఎలక్ట్రానిక్ విధానం. ఇప్పటివరకు దీన్ని ప్రయోగాత్మకంగా అమలు చేసిన కేంద్రం, ప్రస్తుతం అధికారికంగా ప్రారంభించింది.