Rashmika Mandanna: కాయల కోసం చెట్టెక్కాను.. ఓ మహిళ చూసి కర్ర పట్టుకుని తరిమింది: హీరోయిన్ ర‌ష్మిక‌

  • ట్విట్టర్‌లో అభిమానులతో ముచ్చట
  • తాను చేసిన సరదా పనులను చెప్పిన హీరోయిన్
  • మామిడికాయల కోసం చెట్టెక్కానన్న రష్మిక
rashmika mandanna  memories

తాను ఓ సారి చోరీ చేయడానికి ప్రయత్నించానని హీరోయిన్‌ రష్మిక మందన్న తెలిపింది. తాజాగా ఆమె ట్విట్టర్‌లో అభిమానులతో ఛాట్ చేస్తూ కొన్నేళ్ల క్రితం చేసిన పనులను గుర్తుకు తెచ్చుకుంది. చిన్న‌ప్పుడు మీరు చేసిన మ‌ర‌చిపోలేని సరదా పనులు చెప్పండి? అంటూ ఓ అభిమాని అడిగాడు.

దీనికి రష్మిక స్పందిస్తూ... తాను చిన్నప్పుడు స్నేహితులతో కలిసి ట్యూషన్ కు వెళ్లేదాన్నని, దారిలో ఓ మామిడి చెట్టు ఉండేదని చెప్పింది. ఒక రోజు  మామిడికాయలు కోసుకోవాలని తాను ఆ చెట్టు ఎక్కానని, దీంతో అక్కడున్న మహిళ తమను చూసి కర్ర తీసుకుని తిడుతూ తరిమిందని తెలిపింది. కాగా, సరిలేరు నీకెవ్వరు, భీష్మ వంటి సినిమాలతో టాలీవుడ్‌లో మంచి గుర్తింపు తెచ్చుకున్న రష్మిక మందన్న చేతిలో ఇప్పుడు పలు సినిమాలు ఉన్నాయి.

More Telugu News