Zoom App: జూమ్ యాప్ ద్వారా ఆన్ లైన్లో బైబిల్ క్లాసులు... అశ్లీల వీడియోలతో రెచ్చిపోయిన హ్యాకర్!
కరోనా వ్యాప్తి నేపథ్యంలో ప్రపంచంలో అధికభాగం లాక్ డౌన్ లో మగ్గుతోంది. ఉద్యోగులు ఇళ్ల నుంచి పనిచేయడమే కాదు, ఆన్ లైన్ కార్యకలాపాలు మరింత విస్తృతం అయ్యాయి. ఈ నేపథ్యంలో జూమ్ యాప్ ఉపయుక్తంగా మారింది. ఈ వీడియో కాలింగ్ యాప్ ద్వారా కార్యకలాపాలు సమన్వయం చేసేందుకు అనేక మంది వ్యక్తులు, సంస్థలు కూడా మొగ్గుచూపుతుండడం అధికమైంది. అయితే ఈ యాప్ లో భద్రతాపరమైన లోపాలున్నాయని ఇప్పటికే భారత ప్రభుత్వం హెచ్చరించింది. ఆ లోపాలు నిజమేనని నిరూపిస్తూ ఓ హ్యాకర్ రెచ్చిపోయాడు.
అమెరికాలోని కాలిఫోర్నియాలో ఓ చర్చిలో లాక్ డౌన్ నేపథ్యంలో ఆన్ లైన్లో బైబిల్ క్లాసులు నిర్వహిస్తున్నారు. అందుకోసం చర్చి యాజమాన్యం జూమ్ యాప్ ను వినియోగిస్తోంది. కానీ మే 6న ఇలాగే జూమ్ యాప్ ద్వారా బైబిల్ తరగతులు బోధిస్తుండగా, మధ్యలో ఓ హ్యాకర్ చొరబడి అశ్లీల వీడియోలు ప్రసారం చేశాడు. అప్పటివరకు భక్తితో బైబిల్ అధ్యయనం చేస్తున్న వారు ఈ ఉత్పాతానికి హడలిపోయారు.
బైబిల్ అధ్యయనంలో పాల్గొంటున్న వారిలో అత్యధికులు వృద్ధులేనని, వారిని ఈ వీడియోలు తీవ్రంగా బాధించాయని చర్చి వర్గాలు వెల్లడించాయి. దీనిపై జూమ్ యాజమాన్యానికి కూడా సదరు చర్చి ఫిర్యాదు చేసింది. ఆ హ్యాకర్ గురించి తమకు గతంలోనూ ఫిర్యాదులు వచ్చాయని జూమ్ పేర్కొంది. అంతకుమించి స్పందించకపోవడంతో చర్చి యాజమాన్యం జూమ్ పై చర్యలు తీసుకోవాలంటూ న్యాయస్థానాన్ని ఆశ్రయించింది.
అమెరికాలోని కాలిఫోర్నియాలో ఓ చర్చిలో లాక్ డౌన్ నేపథ్యంలో ఆన్ లైన్లో బైబిల్ క్లాసులు నిర్వహిస్తున్నారు. అందుకోసం చర్చి యాజమాన్యం జూమ్ యాప్ ను వినియోగిస్తోంది. కానీ మే 6న ఇలాగే జూమ్ యాప్ ద్వారా బైబిల్ తరగతులు బోధిస్తుండగా, మధ్యలో ఓ హ్యాకర్ చొరబడి అశ్లీల వీడియోలు ప్రసారం చేశాడు. అప్పటివరకు భక్తితో బైబిల్ అధ్యయనం చేస్తున్న వారు ఈ ఉత్పాతానికి హడలిపోయారు.
బైబిల్ అధ్యయనంలో పాల్గొంటున్న వారిలో అత్యధికులు వృద్ధులేనని, వారిని ఈ వీడియోలు తీవ్రంగా బాధించాయని చర్చి వర్గాలు వెల్లడించాయి. దీనిపై జూమ్ యాజమాన్యానికి కూడా సదరు చర్చి ఫిర్యాదు చేసింది. ఆ హ్యాకర్ గురించి తమకు గతంలోనూ ఫిర్యాదులు వచ్చాయని జూమ్ పేర్కొంది. అంతకుమించి స్పందించకపోవడంతో చర్చి యాజమాన్యం జూమ్ పై చర్యలు తీసుకోవాలంటూ న్యాయస్థానాన్ని ఆశ్రయించింది.
