ap7am logo

రూ.15,000 కోట్లతో కరోనా అత్యవసర ప్యాకేజికి కేంద్రం ఆమోదం

Thu, Apr 09, 2020, 06:36 PM
  • రాష్ట్రాలపై కేంద్రం ఉదారత
  • మార్చి 24న రాష్ట్రాలకు ప్రత్యేక ప్యాకేజీ ప్రకటన చేసిన మోదీ
  • కరోనాపై తక్షణ పోరాటానికి రూ.7,774 కోట్లు
  • మిగతా నిధులు నాలుగేళ్లలో వినియోగించుకునే వెసులుబాటు
కరోనా దెబ్బకు తల్లకిందులవుతున్న రాష్ట్రాలను ఆదుకునేందుకు కేంద్రం ఔదార్యం ప్రదర్శిస్తోంది. కరోనా మహమ్మారిని ఎదుర్కొనేందుకు దీర్ఘకాలికంగా ఉపయోగపడేలా రూ.15,000 కోట్ల ప్రత్యేక ప్యాకేజీకి కేంద్రం ఆమోదం తెలిపింది. ఈ ప్యాకేజీలో భాగంగా... కరోనాపై తక్షణ పోరాటానికి రూ.7,774 కోట్లు వినియోగించాలని, మిగతా నిధులను 1 నుంచి నాలుగేళ్ల వ్యవధిలో కరోనా వ్యతిరేక కార్యక్రమాలకు వెచ్చించాలని నిర్ణయించారు. మార్చి 24న మోదీ ప్రకటించిన మేరకు ఈ ప్యాకేజీ వాస్తవరూపం దాల్చింది.

కరోనాను ఎదుర్కొనేందుకు రాష్ట్రాల వైద్య, ఆరోగ్యవ్యవస్థలు మరింత పరిపుష్టం అవ్వాలన్న ఉద్దేశంతో ఈ ప్యాకేజీ తీసుకువచ్చారు. దీనిపై కేంద్ర వైద్య, ఆరోగ్య మంత్రిత్వ శాఖ సంయుక్త కార్యదర్శి లవ్ అగర్వాల్ మాట్లాడుతూ, ఈ నిధులతో రాష్ట్రాలు పీపీఈ సూట్లు, వెంటిలేటర్లు, మాస్కులు, ఇతర పరికరాలు కొనుగోలు చేయవచ్చని, సామాజిక నిఘా వ్యవస్థలు, ఆసుపత్రుల అభివృద్ధి, అంబులెన్స్ ల కోసం వినియోగించుకోవచ్చని వెల్లడించారు.
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
X

Feedback Form

I agree to Terms of Service & Privacy Policy
GarudaVega Banner Ad
Latest Video News..
Advertisement