కరోనా దెబ్బకు హైదరాబాద్‌లో ఇళ్ల అమ్మకాలు ఢమాల్!
- గతేడాదితో పోలిస్తే 50 శాతం పడిపోయిన విక్రయాలు
- దేశంలోని ఏడు ప్రధాన నగరాల్లో 42 శాతం తగ్గిన నివాస గృహాల అమ్మకాలు
- వెల్లడించిన ‘అనరాక్’
ప్రపంచదేశాలను అతలాకుతలం చేస్తున్న కరోనా వైరస్ ఆయా దేశాల ఆర్థిక వ్యవస్థలను ఛిన్నాభిన్నం చేస్తోంది. ఈ వైరస్ అన్ని రంగాలను తీవ్ర సంక్షోభంలోకి నెట్టేస్తోంది. కరోనా కారణంగా ఇప్పుడు దేశంలోని స్థిరాస్తి రంగం కుదేలైంది. హైదరాబాద్‌లో అయితే మరింత దారుణ పరిస్థితులు ఉన్నాయి. గతేడాదితో పోలిస్తే ఈ ఏడాది జనవరి-మార్చి త్రైమాసికంలో అమ్మకాలు దాదాపు 50 శాతం పడిపోవడం కలవరపెడుతోంది. దేశంలోని మరే నగరంలోనూ అమ్మకాలు ఇంత దారుణంగా పడిపోలేదు.
స్థిరాస్తి రంగం తీరుతెన్నులను ఎప్పటికప్పుడు అంచనా వేసే బ్రోకరేజీ సంస్థ ‘అనరాక్’ తన తాజా నివేదికలో ఈ విషయాన్ని వెల్లడించింది. పైన పేర్కొన్న త్రైమాసికంలో దేశంలోని ఏడు ప్రధాన నగరాల్లో నివాస గృహాల అమ్మకాలు గతేడాదితో పోలిస్తే 42 శాతం తగ్గినట్టు ఈ నివేదిక వివరించింది. గతేడాది అక్టోబరు-డిసెంబరు త్రైమాసికంతో పోల్చితే ఈ ఏడాది జనవరి-మార్చి త్రైమాసికంలో ఈ ఏడు నగరాల్లో నివాస గృహాల అమ్మకాలు 24 శాతం తగ్గినట్టు పేర్కొంది. ఇక, ఢిల్లీలో 41 శాతం, ముంబై, పుణెల్లో 42 శాతం, బెంగళూరులో 45 శాతం, చెన్నైలో 36 శాతం అమ్మకాలు పడిపోయినట్టు అనరాక్ తెలిపింది.
స్థిరాస్తి రంగం తీరుతెన్నులను ఎప్పటికప్పుడు అంచనా వేసే బ్రోకరేజీ సంస్థ ‘అనరాక్’ తన తాజా నివేదికలో ఈ విషయాన్ని వెల్లడించింది. పైన పేర్కొన్న త్రైమాసికంలో దేశంలోని ఏడు ప్రధాన నగరాల్లో నివాస గృహాల అమ్మకాలు గతేడాదితో పోలిస్తే 42 శాతం తగ్గినట్టు ఈ నివేదిక వివరించింది. గతేడాది అక్టోబరు-డిసెంబరు త్రైమాసికంతో పోల్చితే ఈ ఏడాది జనవరి-మార్చి త్రైమాసికంలో ఈ ఏడు నగరాల్లో నివాస గృహాల అమ్మకాలు 24 శాతం తగ్గినట్టు పేర్కొంది. ఇక, ఢిల్లీలో 41 శాతం, ముంబై, పుణెల్లో 42 శాతం, బెంగళూరులో 45 శాతం, చెన్నైలో 36 శాతం అమ్మకాలు పడిపోయినట్టు అనరాక్ తెలిపింది.
