Kanika kapur: సింగర్ కనికను కలిసిన వారి జాబితా సిద్ధం చేస్తున్న యూపీ అధికారులు?
- ఇటీవలే యూకే వెళ్లి తిరిగొచ్చిన కనికా కపూర్
- ఆమె ఇచ్చిన విందుకు హాజరైన వారిలో ఆందోళన
- విదేశీ ప్రయాణ వివరాలను తెలియజేయకపోవడంపై ప్రభుత్వం సీరియస్?
ఇటీవలే యూకే వెళ్లి తిరిగొచ్చిన బాలీవుడ్ సింగర్ కనికా కపూర్ కు కరోనా వైరస్ సోకిన విషయం తెలిసిందే. ఈ నెల 15న యూకే నుంచి భారత్ కు వచ్చిన కనిక లక్నోలోని ఓ ఫైవ్ స్టార్ హోటల్ లో ప్రముఖులకు విందు కూడా ఇచ్చింది. అయితే, కనికకు ‘కరోనా’ సోకడంతో ఆమె ఇచ్చిన విందుకు హాజరైన వారిలో ఆందోళన మొదలైంది. ఆ విందులో కనికను కలిసిన వారి జాబితాను యూపీ అధికారులు సిద్ధం చేస్తున్నట్టు తెలుస్తోంది. ఆమె తన విదేశీ ప్రయాణ వివరాల సమాచారాన్ని ప్రభుత్వానికి తెలియజేయకపోవడంపై కనికపై యూపీ సర్కార్ సీరియస్ గా ఉన్నట్టు తెలుస్తోంది.
