Amit Shah: హోలీ వేడుకలకు అమిత్ షా దూరం.. ఎక్కువ మంది గుమిగూడే కార్యక్రమాలు వద్దని విజ్ఞప్తి
- తాను వేడుకల్లో పాల్గొనబోనని ఇప్పటికే ప్రకటించిన మోదీ
- బీజేపీ జాతీయాధ్యక్షుడు జేపీ నడ్డా కూడా దూరంగానే..
- కరోనా వైరస్ వ్యాప్తి నేపథ్యంలో నిర్ణయించినట్టు వెల్లడి
కరోనా వైరస్ వ్యాప్తి నేపథ్యంలో హోలీ పండుగ వేడుకలకు దూరంగా ఉండాలని కేంద్ర హోం మంత్రి అమిత్ షా, బీజేపీ జాతీయాధ్యక్షుడు జేపీ నడ్డా నిర్ణయించుకున్నారు. ఇప్పటికే ప్రధాన మంత్రి నరేంద్ర మోదీ కూడా హోలీ వేడుకలకు దూరంగా ఉంటానని బుధవారం ఉదయమే ప్రకటించారు. కొద్దిగంటల్లోనే అమిత్ షా, జేపీ నడ్డా తాము కూడా దూరంగా ఉంటామంటూ ట్విట్టర్ లో ట్వీట్లు చేశారు. వీలైనంత వరకు ఎక్కువ మంది ఒకే చోట చేరకుండా ఉండాలని సూచించారు.
