Chiranjeevi: మెడలో ఎర్ర కండువాతో మెగాస్టార్‌ చిరంజీవి లుక్‌.. అదిరిపోయిందంతే!
- 152వ సినిమాలో నటిస్తోన్న చిరు
- బయటకు వచ్చిన లుక్‌
- సినిమాలో న‌క్స‌లిజం అంశం కూడా?
మెడలో ఎర్ర కండువాతో మెగాస్టార్‌ చిరంజీవి కనపడ్డాడు.. 'అదిరిపోయిందంతే' అంటూ ఆయన అభిమానులు ఖుషీ అవుతున్నారు. ఖైదీ నంబర్ 150తో సినిమాల్లోకి రీ ఎంట్రీ ఇచ్చిన చిరు ఆ తర్వాత సైరా నరసింహా రెడ్డి సినిమాలో నటించారు. సెకండ్‌ ఇన్నింగ్స్‌లోనూ అదరగొట్టేస్తున్నారు.
ప్రస్తుతం కొర‌టాల శివ ద‌ర్శ‌క‌త్వంలో 152వ సినిమాలో నటిస్తున్నారు. ఈ సినిమా దేవాదాయ శాఖ‌లో జ‌రిగే అవినీతి అక్ర‌మాల నేపథ్యంలో ఉంటుందని టాక్‌. అంతేగాక, న‌క్స‌లిజం అంశం కూడా ఉంటుందని తెలుస్తోంది. ఈ సినిమా షూటింగ్‌లో చిరు నటిస్తుండగా తీసిన ఫొటో బయటకు వచ్చింది. ఈ సినిమాకు నిరంజన్ రెడ్డి, రామ్‌చ‌ర‌ణ్ నిర్మాతలుగా వ్యవహరిస్తున్నారు. త్రిష హీరోయిన్‌గా న‌టిస్తోంది. చిరు కొత్త సినిమా లుక్‌ సామాజిక మాధ్యమాల్లో వైరల్‌ అవుతోంది.
