వైఎస్ వివేకా హత్య కేసు సీబీఐకు అప్పగింతపై విచారణ ఈ నెల 20కి వాయిదా

వైఎస్ వివేకా హత్య కేసు విచారణను సీబీఐకు అప్పగించాలని కోరుతూ వివేకా భార్య సౌభాగ్యమ్మ, కూతురు సునీత, టీడీపీ ఎమ్మెల్సీ బీటెక్ రవి, బీజేపీ నేత ఆదినారాయణరెడ్డి ఏపీ హైకోర్టులో పిటిషన్లు దాఖలు చేయడం తెలిసిందే. ఈ పిటిషన్లపై ఈరోజు విచారణ జరిగింది. పిటిషనర్ల తరఫు న్యాయవాదులు తమ వాదనను న్యాయస్థానానికి వినిపించారు. అడ్వకేట్ జనరల్ అందుబాటులో లేనందున ఈ కేసు తదుపరి విచారణను ఈ నెల 20కి వాయిదా వేస్తున్నట్టు న్యాయమూర్తి ప్రకటించారు.