Teja: తేజ తదుపరి సినిమాగా 'అలివేలు వెంకటరమణ'

మొదటి నుంచి కూడా కొత్తదనానికి ప్రాధాన్యతనిస్తూ తేజ ముందుకు వెళుతున్నాడు. టైటిల్స్ దగ్గర నుంచి ఆయన వైవిధ్యాన్ని చూపిస్తాడు. అలా రానాతో 'నేనే రాజు నేనే మంత్రి' చేసిన ఆయన భారీ విజయాన్ని అందుకున్నాడు. ఆ తరువాత రానాతోనే మరో సినిమాను చేయడానికి ఆయన సిద్ధమవుతున్నాడు. ఈ సినిమాకి 'రాక్షస రాజు రావణుడు' అనే టైటిల్ ను రిజిస్టర్ చేయించినట్టు తెలుస్తోంది.

ఈ సినిమాకి సంబంధించిన సన్నాహాలు చేస్తూనే, మరో వైపున గోపీచంద్ హీరోగా మరో సినిమా చేయడానికి కూడా ఆయన రంగాన్ని సిద్ధం చేస్తున్నాడు. ఈ సినిమాకి 'అలివేలు వెంకటరమణ' అనే టైటిల్ ను రిజిస్టర్ చేయించాడు. ఈ రెండు సినిమాలను సమాంతరంగా చేయడానికి తేజ చకచకా పనులను చేయిస్తున్నాడు. ఒక్కో సినిమాను తాపీగా తెరకెక్కించే తేజ, ఇలా ఒక్కసారిగా రెండు ప్రాజెక్టులను పట్టాలెక్కిస్తుండటం పట్ల ఇండస్ట్రీకి చెందిన చాలామంది ఆశ్చర్యపోతున్నారు.