Minister Talasani Srinivas Yadav: చిరంజీవి, నాగార్జునలతో తెలంగాణ మంత్రి తలసాని భేటీ

టాలీవుడ్ సినీ పరిశ్రమ ఎదుర్కొంటోన్న సమస్యలు, పరిష్కారాలు, అభివృద్ధి తీరుపై ఈ రోజు తెలంగాణ సినిమాటోగ్రఫీ శాఖ మంత్రి తలసాని శ్రీనివాస్ యాదవ్ సినీ ప్రముఖులు చిరంజీవి, నాగార్జునలతో చర్చించారు. వీరి సమావేశం హైదరాబాదులోని అన్నపూర్ణా స్టూడియోలో జరిగింది. ఈ విషయాన్ని సౌత్ ఇండియన్ మూవీస్ పీఆర్వో, నిర్మాత బీఏ రాజు ట్విట్టర్ వేదికగా పేర్కొన్నారు. అయితే సమావేశం వివరాలను మంత్రి వెల్లడించలేదని, మరోసారి భేటీ అయిన తర్వాత అన్ని వివరాలను ప్రెస్ మీట్లో తెలియజేస్తామని మంత్రి చెప్పారని ఆయన తెలిపారు.