Amaravati: రాజధాని ప్రాంతంలో మహిళల రేపటి పాదయాత్రకు అనుమతి లేదు: రూరల్ ఎస్పీ విజయరావు

రాజధాని అమరావతి ప్రాంతంలో మహిళలు తలపెట్టిన రేపటి పాదయాత్రకు పోలీసుల అమనుతి లభించలేదు. రేపు ఉద్దండరాయునిపాలెం నుంచి విజయవాడ దుర్గగుడి వరకు మహిళలు తలపెట్టిన పాదయాత్రకు అనుమతి ఇవ్వడం లేదని గుంటూరు రూరల్ ఎస్పీ విజయరావు తెలిపారు. ఈ పాదయాత్రలో ఎవరైనా పాల్గొంటే చట్టపరమైన చర్యలు తప్పవని హెచ్చరించారు. 144 సెక్షన్, 30 పోలీస్ యాక్ట్ అమలులో ఉన్నాయని, శాంతి భద్రతలకు విఘాతం కలిగిస్తే ఉపేక్షించబోమని అన్నారు. ఎలాంటి చట్ట వ్యతిరేక కార్యకలాపాలను ప్రజలు చేపట్టొదని హెచ్చరించారు.