Hyderabad: అదుపు తప్పి డివైడర్ ను ఢీ కొట్టిన పోలీసు కారు!

పెట్రోలింగ్ నిమిత్తం వెళుతున్న పోలీసు కారు, అదుపుతప్పి, డివైడర్ ను ఢీకొంది. ఈ ఘటన హైదరాబాద్, గచ్చిబౌలిలో జరిగింది. అతివేగమే ఈ ప్రమాదానికి కారణమని తెలుస్తోంది. ఈ ప్రమాదంలో వాహనంలోని ఇద్దరు కానిస్టేబుళ్లకు గాయాలు కాగా, వారిని ఆసుపత్రికి తరలించారు. విషయం తెలుసుకున్న గచ్చిబౌలి పోలీసులు, క్రేన్ సాయంతో వాహనాన్ని డివైడర్ నుంచి తొలగించి, తీసుకెళ్లారు. కేసు నమోదు చేసి దర్యాఫ్తు చేస్తున్నామని తెలిపారు.