విశాఖలో మరమ్మతుల కోసం నిలిపి ఉంచిన బస్సు దగ్ధం

విశాఖపట్నంలోని లారీ మెకానిక్ గ్యారేజ్ లో అగ్నిప్రమాదం జరిగింది. గాజువాక పోర్టు రోడ్డులోని పెట్రోల్ బంకు ఎదురుగా ఉన్న గ్యారేజ్ లో ఈ ఘటన చోటుచేసుకుంది. మరమ్మతుల కోసం నిలిపి ఉంచిన ఓ బస్సు  కాలిపోయింది. అగ్నిమాపక సిబ్బంది వచ్చే సరికి బస్సు పూర్తిగా దగ్ధమైంది. అగ్నిప్రమాదం జరిగిన సమయంలో గ్యారేజ్ లో ఎవరూ లేరు. దీనిపై కేసు నమోదు చేసుకున్న గాజువాక పోలీసులు దర్యాప్తు ప్రారంభించారు.