అమెరికాలో విందులో పాల్గొన్న వారిపై కత్తితో దాడి

అమెరికాలోని ఓ ఇంటిలో జరుగుతున్న విందుపై కత్తి దాడి జరిగింది. యూదుపర్వదినం అయిన ‘హనుక్కా’ను పురస్కరించుకుని న్యూయార్క్‌లోని ఓ మతబోధకుడు (రబ్బీ) తన ఇంట్లో విందు నిర్వహించగా, కత్తితో చొరబడిన ఓ దుండగుడు విచక్షణ రహితంగా దాడి చేశాడు. దీంతో ఒక్కసారిగా కలకలం రేగింది. విందులో పాల్గొన్న వారు భయంతో పరుగులు తీశారు. కత్తి దాడిలో గాయపడిన వారిని వెంటనే సమీపంలోని ఆసుపత్రికి తరలించారు. సమాచారం  అందుకున్న పోలీసులు నిందితుడిని అదుపులోకి తీసుకున్నారు.