union minister prakash Javadeker: ఎన్పీఆర్ పై రాహుల్ అబద్ధాలు మాట్లాడుతున్నారు: కేంద్రమంత్రి జవదేకర్

జాతీయ జనాభా జాబితా(ఎన్పీఆర్) పేదలపై పన్ను విధింపు లాంటిదన్న రాహుల్ వ్యాఖ్యలపై   కేంద్రమంత్రి ప్రకాశ్ జవదేకర్  మండిపడ్డారు. ఇది పేదలకు చాలా ఉపయోగకరంగా ఉంటుందని, ప్రజలందరూ దీనిని ప్రశంసిస్తుంటే కాంగ్రెస్ భిన్న వైఖరిని అవలంబిస్తోందన్నారు. ఈ నేపథ్యంలో కాంగ్రెస్ రాజకీయంగా లబ్ధిపొందాలని భావిస్తోందని ఆరోపించారు. అందుకే ఎన్పీఆర్ ను వ్యతిరేకిస్తోందన్నారు.  

2010 లో కాంగ్రెస్ దీన్ని చేపట్టిందన్నారు. కాంగ్రెస్ అధ్యక్షుడిగా రాహుల్ ఉన్న సమయంలో అబద్ధాలాడినప్పటికీ నడిచిందన్నారు. ఇప్పుడు కాంగ్రెస్ అధ్యక్షుడిగా లేకపోయినా ఆ అబద్ధాలనే కొనసాగిస్తున్నారని  జవదేకర్ ఎద్దేవా చేశారు. రాహుల్ మాటలు ఆయన కుటుంబాన్నే ఇబ్బందిపెట్టేవని, ఇప్పుడు దేశాన్ని కూడా ఇబ్బందులు పెట్టేలా ఉన్నాయని ఆయన విమర్శించారు. 2019 సంవత్సరపు అతిపెద్ద అబద్ధాల కోరు రాహుల్ గాంధీ  అని  జవదేకర్ వ్యాఖ్యానించారు.