Trivikram: వచ్చే ఏడాది వెంకటేశ్ తో త్రివిక్రమ్ మూవీ

వెంకటేశ్ తో ఒక సినిమా చేయనున్నట్టు త్రివిక్రమ్ ప్రకటించి చాలా కాలమే అయింది. గతంలో వెంకటేశ్ సినిమాలకి రచయితగా త్రివిక్రమ్ పనిచేసిన సంగతి తెలిసిందే. ఆ సినిమాలన్నీ కూడా భారీ విజయాలను అందుకున్నాయి. ఈ నేపథ్యంలో వెంకటేశ్ తో సినిమా చేయనున్నట్టు త్రివిక్రమ్ చెప్పిన దగ్గర నుంచి అభిమానులంతా ఆ క్షణం కోసం ఎదురుచూస్తున్నారు.

ఈ ప్రాజెక్టు వచ్చే ఏడాది సెట్స్ పైకి వెళ్లనున్నట్టు సమాచారం. ఇటీవల కాలంలో వెంకటేశ్ వరుస విజయాలను సొంతం చేసుకుంటూ వెళుతున్నారు. మళ్లీ ఆయన మార్కెట్ పుంజుకుంది. ఈ నేపథ్యంలో వచ్చే ఏడాది వెంకటేశ్ తో ఒక సినిమా చేయడానికి త్రివిక్రమ్ రంగాన్ని సిద్ధం చేసే పనిలో వున్నాడట. 'అసురన్' రీమేక్ తరువాత వెంకటేశ్ తదుపరి సినిమా త్రివిక్రమ్ తోనే ఉంటుందని అంటున్నారు. త్వరలోనే పూర్తి వివరాలు తెలియనున్నాయి.