Nirbhaya: నిర్భయ తరపున వాదించనున్న కోడలు.. ధర్మాసనం నుంచి తప్పుకున్న చీఫ్ జస్టిస్

నిర్భయ హత్యాచారం కేసులో దోషి అక్షయ్ సింగ్ సుప్రీంకోర్టులో వేసిన రివ్యూ పిటిషన్ విచారణ రేపటికి వాయిదా పడింది. పిటిషన్ ను విచారించనున్న ధర్మాసనం నుంచి చీఫ్ జస్టిస్ బాబ్డే తప్పుకోవడమే దీనికి కారణం. ఈ పిటిషన్ కు సంబంధించి నిర్భయ తరపున బాబ్డే కోడలు వాదిస్తున్నారు. ఈ నేపథ్యంలో తన కోడలు వాదిస్తున్న కేసులో తాను తీర్పును వెలువరించలేనని ఆయన తెలిపారు. ధర్మాసనం నుంచి తాను తప్పుకుంటున్నానని చెప్పారు. రేపు ఉదయం 10.30 గంటలకు మరో ధర్మాసనం విచారణ చేపడుతుందని తెలిపారు. విచారణ పారదర్శకంగా జరగాలనే ఉద్దేశంతోనే తాను ఈ నిర్ణయం తీసుకున్నట్టు చెప్పారు. గతంలో కూడా ఈ కేసుకు సంబంధించి బాబ్డే కుటుంబంలోని ఒకరు నిర్భయ తల్లి తరపున వాదనలు వినిపించారు.