దిశ నిందితుల మృతదేహాలను శుక్రవారం వరకు భద్రపరచాలన్న హైకోర్టు

దిశ నిందితుల ఎన్ కౌంటర్ పై తెలంగాణ హైకోర్టులో నేడు విచారణ జరిగింది. ఈ ఘటనలో సుప్రీం కోర్టు మార్గదర్శకాలను పాటించారా? అని సర్కారును హైకోర్టు సూటిగా ప్రశ్నించింది. ఒకవేళ పాటించినట్టయితే అందుకు తగిన ఆధారాలు చూపించండి అంటూ అడిగింది. ఈ మేరకు అడ్వొకేట్ జనరల్ బీఎస్ ప్రసాద్ ను న్యాయస్థానం ఆదేశించింది. అంతేకాదు, మహబూబ్ నగర్ మెడికల్ కాలేజీలో ఉన్న నిందితుల మృతదేహాలను గాంధీ ఆసుపత్రికి తరలించి శుక్రవారం వరకు భద్రపరచాలని స్పష్టం చేసింది. తదుపరి విచారణను గురువారానికి వాయిదా వేసింది.